Andijon tashqi savdo aylanmasi 2002 yilda

Viloyat statistika tashkilotlari 2002 yil yakunlarini to`la ishlab chiqdilar. Unga ko`ra Andijon viloyati tashqi savdo aylanmasi 331,8 million AQSh dollariga teng bo`lgan. Shundan 124.2 millioni tashqi savdo aylanmasining eksport qismiga to`g`ri keladi.Andijonliklar o`tgan yili qirqdan ortiq mamlakatlarga asosan paxta tolasi, kalava iplar, konservalar, avtomobillar, kabel mahsulotlarini sotdilar.
      Tashqi savdo aylanmasining import qismi 207.6 million AQSh dollariga teng bo`ldi. Xorijdan keltirilgan mahsulotlar orasida dastgohlar, avtomobillar uchun butlovchi qismlar, sanoat xom-ashyosi, oziq-ovqat mahsulotlari, qurilish materiallari, qora metall buyumlar etakchi o`rin egalladi.

"Ulkard": Dastlabki odimlardanoq eksport

Tayyor va trikotaj kiyimlari ishlab chiqarishga mo`ljallangan Andijon viloyati Ulug`nor tumanida o`z faoliyatining ikkinchi yilini boshlagan O`zbek-Ingliz  "Ulkard" qo`shma korxonasi  yangi turdagi mahsulotlar ishlab chiqarishni boshladi. Bu mahsulotlar yangi bichimdagi kiyimlar bo`lib bahor-yozgi mavsumlari uchun mo`ljallangandir. "Ulkard" tmonidan ishlab chiqarilayotgan kiyimlar nafaqat mahalliy aholi o`rtasida balki xorijliklar orasida ham katta obro` qozonmoqda. Dastlabki yildayoq "Ulkard" 46 ming AQSh dollariga teng mahsulotni eksportga chiqardi. Qishloq joyda tashkil etilgan bu korxona 125 kishini ish bilan ta'minlabgina qolmasdan sifatli mahsulot ishlab chiqarishda ham o`z imkoniyatlarini ko`rsatmoqda.
     "Delovoy partner Uzbekistana" ro`znomasidan (�9 (466)

Yana bir yangi qo`shma korxona

Viloyatimizda rasman ro`yxatdan o`tgan qo`shma korxonalar soni yana bittaga ko`paydi.Bugungi kunda aholi uchun o`ta zarur bo`lgan gaz va suv hisoblagichlar ishlab chiqarishga ixtisoslashgan bu korxona  O`zbekiston tomonidan "ANDIJONGAZTA'MINOT " shu'ba korxonasi, "Sharq" Mas'uliyati cheklangan jamiyat hamda Koreyaning "JIWON" Xolding kompaniyasi hamkorligida tashkil etilgan "UZ-METERTECH "  qo`shma korxonasining umumiy ustav jamg`armasi 500 ming AQSh dollarini tashkil etadi. Korxona o`z ishlab chiqarishini shu yilning o`zida boshlashi rejalashtirilgan. Mazkur hisoblagichlar Koreyadan keltiriladigan zamonaviy uskunalar yordamida ishlab chiqariladi. Bugungi kunda xorijdan keltirilayotgan   va aksariyat axoli uchun qimmat bo`lgan gaz va suv o`lchagichlari Andijonda  ishlab chiqarilishi ularning narxini arzonlashishi va ko`pchilikka sotib olish imkoniyatini tug`dirishi shubhasiz.

"O`ZDEUAVTO" ga butlovchi qismlar

So`fiqishloqdagi "Podshipnik" hissadorlik jamiyati uch yildirki "O`ZDEUAVTO" qo`shma korxonasiga butlovchi qismlar ishlab chiqarmoqda. O`zaro shartnomlar asosida jo`natilayotgan butlovchi qismlar "Tiko", "Damas", "Neksiya" avtomobillarini ishlab chiqarishda ishlatilmoqda. Mazkur buyurtmalarni ishlab chiqarishdan korxona 8,5 million so`mlik daromad oldi. Bu yil korxona yana yangi qismlar ishlab chiqarishni o`zlashtirishga kirishdi.
               "Andijonnoma " gazetasidan (� 16 (17924)

O`ZBEKISTONGA XORIJIY SARMOYALAR KIRIB KELIShI KO`PAYMOQDA

Toshkentda "O`tish iqtisodiga ega mamlakatlardagi iqtisodiy islohotlar va xorijiy investitsiyalarning jalb etilishi: Markaziy Osiyo uchun o`tgan davr saboqlari va taraqqiyot ufqlari" mavzuida xalqaro konferentsiya bo`lib o`tdi. Unda Markaziy Osiyo davlatlari vakillari, BMT Taraqqiyot Dasturi va O`zbekiston Hukumati vakillari ishtirok etdilar.
Konferentsiyani kirish so`zi bilan ochgan  O`zbekiston Respublikasi Tashqi iqtisodiy  aloqalar Agentligi raisi Elyor G`aniev o`z so`zida O`zbekistonga mustaqillik yillarida kiritilgan xorijiy sarmoyalarning umumiy hajmi 14 milliard dollardan oshib ketganligini ta'kidlab, so`nggi yillarda kirib kelayotgan xorijiy sarmoyalar yiliga 2-2,5 milliard dollarga teng kelayotganligini ko`rsatib o`tdi. Notiq O`zbekiston tashqi savdosiga to`xtalib o`tarkan o`tgan yil ijobiy saldo bilan yakunlangani va u 276 million dollarga teng bo`lganini ko`rsatib o`tdi.

"Biznes Vestnik Vostoka" gazetasi (�7 (577))